დვალიშვილმა ო'მალი გამოიწვია - ქართველი მებრძოლის საჩემპიონო შანსი?!

UFC-ის სუპერმსუბუქი წონის საჩემპიონო ბრძოლაში, მერაბ დვალიშვილის მეგობარი და თანაგუნდელი, ალჯამაინ სტერლინგი შონ ო'მალისთან დამარცხდა. 

მე-2 რაუნდში, ტექნიკური ნოკაუტით დამარცხებულმა სტერლინგმა საჩემპიონო ქამარი დაკარგა, დივიზიონის ახალი ჩემპიონი კი შონ ო'მალი გახდა.

ბრძოლას დაუყოვნებლივ გამოეხმაურა მერაბ დვალიშვილი, რომელმაც აღნიშნა, რომ მთავარმა მსაჯმა ნაჩქარევი გადაწყვეტილება მიიღო და ბრძოლა ნაადრევად დაასრულა. მოგვიანებით მერაბმა კიდევ ერთი კომენტარი გააკეთა და საჩემპიონო ქამრისთვის ბრძოლის სურვილი გამოთქვა.

UFC-ის სუპერმსუბუქი წონის რეიტინგის ნომერ პირველი მებრძოლისთვის, ო'მალის ჯერ არ უპასუხია, თუმცა, დანამდვილებით შეიძლება ითქვას, რომ დვალიშვილი საჩემპიონო ბრძოლის ერთ-ერთი მთავარი კანდიდატია.