დაბრუნება დიდი სლემის ტურნირზე - ბასილაშვილი AU OPEN-ზე მიიღებს მონაწილეობას

2025 წლის დიდი სლემის შეჯიბრზე, ავსტრალიის ღია პირველობაზე (AU OPEN) საქართველოს N1 ჩოგანი - ნიკოლოზ ბასილაშვილი ბრუნდება, თუმცა ამ ყველაფერს საკვალიფიკაციო ეტაპიდან დაიწყებს.

ავსტრალიის ღია პირველობა 6 იანვარს აიღებს სტარტს და 26 იანვარს დასრულდება. 6 იანვრიდან საკვალიფიკაციო წრეები დაიწყება და ქართველ ჩოგბურთელს 3 ეტაპის დაძლევა მოუწევს იმისათვის, რომ ძირითად ბადეში მოხვდეს. ძირითად ბადეში მყოფი მოთამაშეები კი საქმეში 12-იანვრიდან ჩაერთვებიან.

ჯერჯერობით უცნობია, თუ ვისთან მოუწევს თამაში ნიკოლოზ ბასილაშვილს, ავსტრალიის ღია პირველობის საკვალიფიკაციო ეტაპის პირველ შეხვედრაში.

ნიკოლოზ ბასილაშვილს ავსტრალიის ღია პირველობაზე მაქსიმალური შედეგი მესამე რაუნდი აქვს ნათამაშები, ეს შედეგი მან 2018 და 2019 წლებში დააფიქსირა.

აქვე შეგახსენებთ, რომ ნიკოლოზ ბასილაშვილმა დიდი სლემის ტურნირზე ბოლოს 2022 წელს, უიმბლდონზე ითამაშა, მას შემდეგ 2025 წლის ავსტრალიის ღია პირველობა მისთვის პირველი დიდი სლემის ტურნირი იქნება.