დღეს, 14 ივლისს, სტარტი აიღო ბუდაპეშტის გრან პრიმ, სადაც -90, -100 და +100 კილოგრამ წონით კატეგორიები ასპარეზობენ.
მთავარი ძალა საქართველოს ნაკრებს -90 კგ-ში ჰყავს, სადაც ბექა ღვინიაშვილი და ავთანდილ ჭრიკიშვილი გამოდიან. -100 კგ წონით კატეგორიაში ასპარეზობს გიორგი ბერიაშვილი, ხოლო +100 კგ-ში კი ონისე ბუღაძე და გელა ზაალიშვილი.
ბექა ღვინიაშვილის მეტოქე მეორე რაუნდში იტალიელი – მატეო მარკონინი იყო, რომელიც ქართველმა დაამარცხა და შემდეგ ეტაპზე გავიდა, სადაც მისი მეტოქე უკრაინელ - ვადიმ სინიავსკისა და ესტონელ - კრისტოფერ კლენ კალიულაიდს შორის გამარჯვებული იქნება.
