9 მედალი და გუნდური მეორე ადგილი - 2025 წლის თბილისის გრანდ სლემი დასრულებულია

2025 წლის თბილისის გრანდ სლემი, რომელიც 21-23 მარტის განმავლობაში მიმდინარეობდა, ოფიციალურად დასრულებულია.

საქართველოს ძიუდოისტთა ნაკრებმა საკუთარ კედლებში 9 მედალი მოიპოვა, რომლითაც როგორც მამაკაცთა, ასევე საერთო გუნდურ ჩათვლაში მეორე პოზიცია დაიკავა.

მამაკაცთა გუნდურ ჩათვლაში, მხოლოდ - IJF-ს დროშისა და გერბის ქვეშ მყოფი ნაკრების წინააღმდეგ დავმარცხდით, ხოლო საერთო გუნდურ ჩათვლაში კი, მხოლოდ ფრანგებმა გვაჯობეს.

მოპოვებული მედლები

ლაშა გუჯეჯიანის გაწვრთნილმა გუნდმა, საკუთარ კედლებში 9 მედალი მოიპოვა, საიდანაც 2 ოქროს, 2 ვერცხლისა და 5 ბრინჯაოს მედალი იყო.

• ოქროს მედალი - ლაშა შავდათუაშვილი, ეთერ ლიპარტელიანი

• ვერცხლის მედალი - თემურ ნოზაძე, გურამ თუშიშვილი

• ბრინჯაოს მედალი - ირაკლი ბეროშვილი, ზაურ დვალაშვილი, გიორგი ჯაბნიაშვილი, ირაკლი დემეტრაშვილი და ნინო ლოლაძე.

აღსანიშნავია ის ფაქტი, რომ 2025 წლის ოქროს მედლის მფლობელმა - ლაშა შავდათუაშვილმა და ეთერ ლიპარტელიანმა, ტიტულის დაცვა შეძლეს (2024 წელსაც მათ ჰქონდათ მოგებული), ხოლო ბეროშვილისთვის, დემეტრაძესთვისა და ლოლაძესთვის 2025 წლის თბილისის გრანდ სლემზე მოპოვებული მედლები IJF ტურში სადებიუტო აღმოჩნდა.