"წარმოუდგენელი გუნდური სულისკვეთება" - ქართველი ძიუდოისტები IJF-ს ვიდეოკოლაჟში | VIDEO

IJF-ს Twitter-ის ოფიციალურ გვერდზე, გუნდური სულისკვეთებისა და ემოციების შესახებ ვიდეო განთავსდა, რომელშიც ქართველი ძიუდოისტების კადრები მრავლადაა.

დოჰაში გამართული ძიუდოს მსოფლიო ჩემპიონატი, ქართველი ძიუდოისტებისთვის ისტორიული გამოდგა. 90 წონით კატეგორიაში გამართული ქართული ფინალისა და ინდივიდუალურად მოპოვებული 2 ოქროს, 1 ვერცხლისა და 1 ბრინჯაოს შემდეგ, საქართველოს ძიუდოისტთა შერეულმა ნაკრებმა, მსოფლიო ჩემპიონატზე ბრინჯაოს მედალი მოიპოვა!

• ისტორიული შედეგი – საქართველო მამაკაცთა გუნდურ ჩათვლაში პირველია
• ისტორიაში პირველად – 2 ოქროს მედალი მსოფლიო ჩემპიონატზე

აღსანიშნავია, რომ საქართველოს ძიუდოისტთა შერეულმა ნაკრებმა, მსოფლიო ჩემპიონატზე ბრინჯაოს მედალი ისტორიაში პირველად მოიპოვა! ამ გამარჯვებით ჩვენმა ნაკრებმა 2024 წლის ოლიმპიადის გუნდური შეჯიბრის ლიცენზიაც მოიპოვა!