თოფურიას სავარაუდო მომავალი მეტოქე ბრაიან ორტეგაა
ილია თოფურიას სავარაუდო მეტოქეების სიიდან იაირ როდრიგესი ამოიშალა.
რამდენიმე თვეა "მატადორსა" და "პანტერას" შორის სოციალურ ქსელში დაპირისპირებაა. მექსიკელი მებრძოლი ილიას აკრიტიკებს და ამბობს, რომ ჩემპიონობის შანსი მხოლოდ იმიტომ მიიღო, რომ ბევრს ლაპარაკობს. საპასუხოდ, ილიამ როდრიგესს ჩვარი უწოდა. ეს დაძაბულობა თითქოს, საინტერესო ბრძოლისკენ გვიბიძგებდა მაგრამ, იაირმა საჩემპიონო ბრძოლის შანსი დაკარგა.
UFC Mexico-ზე "პანტერა" ბრაიან ორტეგას წინააღმდეგ დამარცხდა. თითქოს იაირმა კარგად დაიწყო, თუმცა, როცა ბრძოლა მიწაზე გადავიდა ორტეგამ უპირატესობა მოიპოვა. T City-მ მოწინააღმდეგე მხრის სამკუთხედით დაამარცხა და 2022 წლის შემდეგ პირველი გამარჯვება მოიპოვა. სხვადასხვა გამოცემები ამბობენ, რომ ილიას სავარაუდო მეტოქედ სწორედ ის განიხილება.
Beautiful submission by Brian Ortega. Forced Yair to post for elbow defense and locked it in. COLD 🥶 #UFCMexico pic.twitter.com/BHJFoCAKJE
— Jay🤼♂️ (@JayMMA4) February 25, 2024
ვოლკანოვსკი დიდებული ჩემპიონი იყო. ხალხი, რომელიც ახლა ვოლკანოვსკის დასცინის, მის ყველა დამსახურებას პატივს არ სცემს. თუ გადაწყვეტს, რომ აღარ იბრძოლოს და დაისვენოს, მე მოხარული ვიქნები თუ ესპანეთში გავემგზავრები. თოფურიას მოცდა მოუწევს. პოტენციური მეტოქეების სია იზრდება. - განაცხადა ბრაიან ორტეგამ.