სუმო იწყება | განახლებული რეიტინგი

13 ნოემბერს კიუშუ ბაშო აიღებს სტარტს, რომელიც ტრადიციულად 15 დღის განმავლობაში აქტიურ ფაზაში იქნება.

გამოქვეყნდა განახლებული ბანძუკე (რეიტინგი), რომელშიც ქართველი მებრძოლი ტოჩინოშინიც არის წარმოდგენილი.

განვლილ ბაშოზე ლევან გორგაძემ მინიმალური უარყოფითი ბალანსი 7 მოგება და 8 მარცხი დააფიქსირა, თუმცა სუმოს მამებმა მისი დაქვეითება არ გადაწყვიტეს, შესაბამისად ადგილი შეუნარჩუნეს. ერთადერთი ცვლილება ის არის, რომ აღმოსავლეთიდან, დასავლეთში გადაინაცვლა - კიუშუ ბაშოზე ქართველი მებრძოლი დასავლეთის მე-8 მაეგაშირას სტატუსს მოირგებს.

იოკოძუნა - ანუ უმაღლესი რანგის მებრძოლი, სუმოს სამყაროს კვლავ ერთადერთი სპორტსმენი - ტერუნოფუჯი ჰყავს.

ოძეკი - ტაკაკეიშო (აღმოსავლეთი 1), შოდაი (დასავლეთი 1)

სეკივაკე - ვაკატაკაკაგე (აღმოსავლეთი 1), ჰოშორიუ (დასავლეთი 1), მიტაკეუმი (დასავლეთი 1)

კომუსუბი - ტამავაში (აღმოსავლეთი 1), კირიბაიამა (დასავლეთი 1), ტობიძარუ (აღმოსავლეთი 2), დაიეიშო (დასავლეთი 2)

ასევე, საყურადღებოა, რომ მაკუუჩი დივიზიონს, კიუშუ ბაშოზე, ატამიფუჯის სახით ერთადერთი დებიუტანტი ეყოლება.