შონ ო'მალის მერაბთან განმეორებითი ბრძოლა მარტში სურს

მას შემდეგ, რაც შონ ო'მალი ჩემპიონიდან ყოფილ ჩემპიონად იქცა, რევანშის სურვილით არის შეპყრობილი. UFC306-ზე, 5-რაუნდიან დაპირისპირებაში, მერაბ დვალიშვილმა მისი ქამარი ისე წაიღო, რომ შედეგში ეჭვი არავის შეპარვია. უმარ ნურმაგომედოვის კანდიდატობის მიუხედავად, შონ ო'მალი რემატჩს ითხოვს.

მერაბ დვალიშვილმა ო'მალის ეს კომენტარი საკუთარ ინსტაგრამ გვერდზე გააზიარა. როგორც ჩანს, მერაბს არაფერი აქვს საწინააღმდეგო ყოფილი ჩემპიონის სურვილთან, რომ ბრძოლა გამეორდეს. დვალიშვილმა გაზიარებულ პოსტს, აღწერის სახით, კომენტარიც დაურთო, სადაც შონს ჰპირდება, რომ ამჯერად მის 'კოცნას აღარ შეეცდება'.