შოკისმომგვრელი კადრების შემდეგ, სამხრეთ აფრიკელი მოკრივე ტრაგიკულად დაიღუპა
სამხრეთ აფრიკელი მოკრივე - სიმისო ბუთელეზი, ტრაგიკულად დაიღუპა. რამდენიმე დღის წინ, სოციალურ ქსელებში გავრცელებულმა შოკისმომგვრელმა კადრებმა, მსოფლიო მედიის ყურადღება მიიპყრო. 5 ივნისს, WBF-ის ეგიდით გამართულ ივენთზე, მსუბუქი წონითი კატეგორიის საჩემპიონო ბრძოლაში, სიმისო ბუთელეზისა და სიფესილე მნტუნგვას დაპირისპირება შედგა. ბრძოლა ბუთელეზის უპირატესობით მიმდინარეობდა და ერთ-ერთ ეპიზოდში მან მეტოქის ნოკდაუნში ჩაგდებაც მოახერხა, თუმცა მოწინააღმდეგემ ფეხზე დროულად წამოდგომა შეძლო. აღნიშნული ეპიზოდის შემდეგ, არბიტრმა მებრძოლებს ბრძოლის გაგრძელების შესაძლებლობა მისცა, მაგრამ სიმისო ბუთელეზიმ მეტოქეს ზურგი აქცია და "წარმოსახვით" მოწინააღმდეგესთან დაიწყო ბრძოლა - რის გამოც ბრძოლა დაუყოვნებლივ შეწყდა.
🔴 Rest In Peace Simiso Buthelezi.. 🔴 Tragic news of our Boxing sensation.... Hamba kahle Shenge. 🙏🏾💔🙏🏾🕊 pic.twitter.com/paH3trFMwn — robertmarawa (@robertmarawa) June 8, 2022
