"შენს წონაში კონტენდერი არ უნდა დატოვო და შემდეგ შეიცვალო წონა" - ბელალი თოფურიაზე

ქვესაშუალო წონის ჩემპიონი ბელალ მუჰამადი თვლის, რომ ილია ჯერ მსუბუქ წონაში არ უნდა ასულიყო. მისი თქმით, "მატადორს" დივიზიონი ბოლომდე არ გაუსუფთავებია და რამდენიმე სერიოზული სახელი კიდევ არის დარჩენილი.

შეგახსენებთ, რომ ქვემსუბუქ წონაში ილია თოფურიამ ქამარი ჩემპიონი ალექს ვოლკანოვსკის წინააღმდეგ მოიპოვა და ტიტული მაქს ჰოლოუეისთან დაიცვა. წონის კლებასთან დაკავშირებული სირთულეების გამო, ილიამ დივიზიონი შეიცვალა და ახლა მსუბუქ წონაში იბრძოლებს. ქართველის მთავარი სასურველი ოპონენტი ჩემპიონი ისლამ მახაჩევია.