სანდრო ბაზაძე ტუნისის გრან პრის გამარჯვებულია

2023 წლის პირველ მნიშვნელოვან ტურნირზე, ქართველმა მოფარიკავემ - სანდრო ბაზაძემ წარმატებულად იასპარეზა.

• ირმა ხეცურიანმა მსოფლიო თასზე ოქროსა და ვერცხლის მედლები მოიპოვა

29 წლის სანდრო ბაზაძე ტუნისის გრან პრის გამარჯვებული გახდა და მსოფლიო რეიტინგში პირველი ადგილი დაიკავა. ხმლით ბრძოლის ფინალში, ბაზაძისა და იტალიელი ლუიჯი სალემეს დაპირისპირება შედგა, რომელშიც ბაზაძემ მეტოქე პირწმინდად დაჩაგრა და 15:8 დაამარცხა.