სადულაევი სალიცენზიო ტურნირზე არ დაუშვეს - 2-გზის ოლიმპიური ჩემპიონი ოლიმპიადის მიღმა რჩება

წარმოშობით რუსი, 2-გზის ოლიმპიური ჩემპიონი - აბდულრაშიდ სადულაევი, ბაქოში გასამართ სალიცენზიო ტურნირზე არ დაუშვეს და დიდი ალბათობით, იგი პარიზის ოლიმპიადაზეც ვერ მიიღებს მონაწილეობას.

ტურნირზე არ დაშვების მიზეზი ის იყო, რომ მან ვერ დააკმაყოფილა ინდივიდუალური ნეიტრალური სპორტსმენების საერთაშორისო ოლიმპიური კომიტეტის მიერ დადგენილ უფლებამოსილების კრიტერიუმები.

სადულაევი მას შემდეგ არ დაუშვეს შეჯიბრზე, როდესაც ჭიდაობის საერთაშორისო ფედერაციამ მოიპოვა ახალი ინფორმაცია უკრაინა-რუსეთის ომში მისი მხარდაჭერის შესახებ და რომ ის კვლავ ოფიციალურად არის გამოცხადებული რუსული კლუბის "დინამოს" კლუბის წევრად.

თითოეული ნეიტრალური სპორტსმენი გადის მკაცრი შემოწმების პროცესს UWW-ს მიერ ნებისმიერი ტურნირისთვის მომზადებისას და საერთაშორისო ოლიმპიური კომიტეტის მიერ დადგენილ კრიტერიუმებზე დაყრდნობით, რომელიც არეგულირებს რუსეთისა და ბელორუსი სპორტსმენების სოციალურ მედიაში სრულ შემოწმებას.

უფლებამოსილებასთან დაკავშირებით გადაწყვეტილებები მიღებულ იქნა პანელის მიერ, რომელიც ეყრდნობოდა დამოუკიდებელი და კერძო სადაზვერვო სამსახურის პროვაიდერის მიერ მოწოდებულ ყოვლისმომცველ შემოწმების ანგარიშებს.

მოჭიდავეები, რომლებიც ჩაითვალეს უფლებამოსილებად, იასპარეზებენ როგორც ინდივიდუალური ნეიტრალური სპორტსმენები, ყოველგვარი დროშისა და შესაბამისი ქვეყნების მითითების გარეშე. გარდა ამისა, ამ სპორტსმენებისთვის მედლების დაჯილდოების შემთხვევაში რუსეთისა და ბელორუსის ეროვნული ჰიმნები არ შესრულდება.

შეგახსენებთ, რომ სადულაევი 27 წლის რუსი სპორტსმენია, რომელიც თავისუფალ ჭიდაობაში 2-გზის ოლიმპიური ჩემპიონია. მან პირველი ოლიმპიური ოქრო 2016 წელს რიო დე ჟანეიროს ოლიმპიადზე მოიპოვა, მეორე ოქროს მედალს კი ტოკიოს ოლიმპიურ თამაშებზე დასჯერდა.

გარდა ოლიმპიური ოქროებისა, სადულაევი 4-გზის ევროპისა და ერთ-გზის მსოფლიო ჩემპიონია.