"ოლივეირა ქაბ სვანსონმაც კი სცემა" - ილია თოფურია
მსუბუქ წონაში გადასვლის შემდეგ, ილია თოფურიას პოტენციური ბრძოლის რამდენიმე ვარიანტი არსებობს. საქმე ისაა, რომ "ლეგენდასთან" ჩხუბი არავის უნდა. ჩემპიონი ისლამ მახაჩევის შემდეგ, ყველაზე მეტად ჩარლზ ოლივეირას ვარიანტი გამოჩნდა.
სოციალურ ქსელში თოფურია და ოლივეირა საკმაოდ აქტიურობენ. მებრძოლები ერთმანეთის მიმართ არაერთ განცხადებას ავრცელებენ. რამდენიმე კვირის წინ ილიამ ისიც თქვა, რომ 10 წაგების შემდეგ ჩარლზი ამდენს არ უნდა ლაპარაკობდეს. "ლეგენდამ" მისი ბოლო განცხადების შესახებ კიდევ ერთხელ ისაუბრა.
ჩარლზისთვის შეურაცხყოფის მიყენება არ მინდოდა, უბრალოდ სიმართლე ვთქვი. მას 10 მარცხი აქვს, სხვა არაფერი მითქვამს. 10 მარცხიდან 5 ნოკაუტით, 4 საბმიშენით და 1 გადაწყვეტილებით წააგო. ის ამბობს, რომ მსუბუქ დივიზიონში ბრძოლა ყველაზე რთულია, როდესაც 66 კილოგრამში ქაბ სვანსონმაც კი სცემა. აქ ყველანაირი კამათი სრულდება. ის რაც ვერ მოახერხა ქვემსუბუქ დივიზიონში, შეძლო მსუბუქ დივიზიონში და გახდა ჩემპიონი. მაშინ ეს დივიზიონი როგორ არის იმაზე რთული, საიდანაც მე მოვდივარ? სწორედ ეს ვთქვი მეც. არ ვიცი რის შემდეგ გახდა სიმართლის თქმა უპატივცემულობა. ჩარლზის საწინააღმდეგო არაფერი მაქვს. კარიერის დასრულების შემდეგ შეგვიძლია ერთად კარგი დრო გავატაროთ, ვივახშმოთ და ა.შ. - განაცხადა ილია თოფურიამ
Ilia Topuria responds to Charles Oliveira calling his comments 'disrespectful':
— Championship Rounds (@ChampRDS) March 30, 2025
"I haven't dissed [Charles], I've told the truth. He has 10 losses...
He says [lightweight] is the toughest division there is. When he was fighting at 145, Cub Swanson beat him up." 😳
🎥… pic.twitter.com/5tTvpuWTIQ
როგორც ზემოთ ვახსენე მახაჩევის შემდეგ, თოფურიას მთავარ პოტენციურ მეტოქედ ოლივეირა განიხილება. რამდენიმე კვირის წინ, სპორტულ მედიაში გავრცელდა ინფორმაცია, რომ მახაჩევმა თოფურიასთან ჩხუბზე უარი ოფიციალურად თქვა.
სხვა სტატიები
