მოულოდნელი გადაწყვეტილება - იჩინოჯო კარიერას ასრულებს
ერთ-ერთმა ცნობილმა სუმოისტმა მოულოდნელი გადაწყვეტილება მიიღო, რომელიც გულშემატკივრებისთვის შოკისმომგვრელი აღმოჩნდა. ოფიციალურად დადასტურებული ინფორმაციის თანახმად, 30 წლის იჩინოჯომ პროფესიონალური კარიერის დასრულების გადაწყვეტილება მიიღო.
წყაროს მტკიცებით, იჩინოჯო კარიერას ისე ასრულებს, რომ მწვრთნელიც (ოიაკატა) არ გახდება. აღნიშნული გადაწყვეტილება მოულოდნელია გამომდინარე იქიდან, რომ იჩინოჯომ ცოტა ხნის წინ ჯურიოს ტურნირი მოიგო, რომელშიც არნახული გამძლეობისა და მონდომების დემონსტრირება მოახდინა.
კარიერის დასრულების ოფიციალურ მიზეზად ხერხემლის ქრონიკული ტრავმა სახელდება, თუმცა, არაოფიციალური ცნობების თანახმად, იჩინოჯო მიღებულ გადაწყვეტილებამდე ძალადობისა და ალკოჰოლზე დამოკიდებულების შემთხვევებმა მიიყვანა.
წარმოშობით მონღოლმა სუმოისტმა იაპონიის მოქალაქეობა მიიღო, მაგრამ როგორც უკვე აღვნიშნეთ, ოიაკატა არ გახდება.
