"მიზეზები აღარ იქნება, აგვისტოში გნახავ" - იან გარი მახაჩევს მიმართავს

იან გარი ისლამ მახაჩევის განცხადებას გამოეხმაურა, სადაც დაღესტნელი ილია თოფურიას ბრძოლის ჩახსნაზე საუბრობს. როგორც ისლამი ამტკიცებს, "მატადორმა" ისლამთან ჩხუბისთვის დიდი თანხა მოითხოვა და სწორედ ამიტომ მათი დაპირისპირება ვერ შედგა. საინტერესოა ისიც, რომ თავად ისლამის გუნდის წევრებმა, თეთრ სახლში ბრძოლაზე უარის მიზეზად, მახაჩევის ხელის ტრავმა დაასახელეს.

სწორედ ამაზე გაამახვილა ყურადღება გარიმ საკუთარ პოსტში.

შეგახსენებთ, რომ იან გარი ძალიან დიდი ხანია მახაჩევთან დაპირისპირებას ითხოვს. მასთან ბრძოლისთვის სპეციალურად საქართველოშიც ჩამოვიდა, რომ ჭიდაობაში მომზადებულიყო.