მერაბ დვალიშვილმა საკუთარ წონაში 5 ადგილით წინ წაიწია | ქართველი მებრძოლი TOP 10-შია

3 წლის წინ სხვა

1 წთ

26 სექტემბერს, UFC 266-ის ივენთზე მერაბ დვალიშვილმა ბრაზილიელი მარლონ მორაეში ტექნიკური ნოკაუტით დაამარცხა და UFC-ში ზედიზედ მეშვიდე გამარჯვება მოიპოვა. ქართველმა მებრძოლმა მეტოქის დამარცხებით სულ 120 000 დოლარი გამოიმუშავა – 50 ათასი დოლარი სანახაობის ბონუსი, 32 ათასი დოლარი გარანტირებული თანხა, 32 ათასი დოლარი მოგების ბონუსი, 6 ათასი დოლარი სპონსორისგან. ზემოთხსენებული გამარჯვების შედეგად დვალიშვილმა სუპერმსუბუქ წონით კატეგორიაში მე-11 პოზიციიდან მე-6 პოზიციაზე გადაინაცვლა, რაც ერთმნიშვნელოვნად დიდი წარმატებაა.

მერაბ დვალიშვილის გამარჯვების შემდეგ, Instagram-ზე ხაბიბ ნურმაგომედოვის ბიძაშვილის – უმარ ნურმაგომედოვის პოსტი გავრცელდა. დაღესტნელი მებრძოლი იმედს გამოთქვამს, რომ ოდესმე დვალიშვილს ოქტაგონზე დაუპირისპირდება.

“თეთრი ფაფახი შავი ფაფახის წინააღმდეგ. ოდესმე”, – აღნიშნა უმარ ნურმაგომედოვმა.

UFC-ში უმარ ნურმაგომედოვის დებიუტი 2021 წლის 20 იანვარს შედგა. დაღესტნელმა სერგეი მოროზოვი დაამარცხა და ჯერ-ჯერობით ეს ერთადერთი ბრძოლაა, რომელიც ნურმაგომედოვმა UFC-ში გამართა. ამრიგად, მერაბ დვალიშვილის წინსვა UFC-ში ყველასათვის ნათელია, ქართველი კი სულ უფრო სასურველი ოპონენტი ხდება რიგი მებრძოლებისათვის.

ზაზა კონცელიძე

სხვა სტატიები

"თუ იქნებიან რუსები, არ ვიქნებით ჩვენ..." - უკრაინელები IJF-ს შეჯიბრებს ბოიკოტს უცხადებენ

უმარ ნურმაგომედოვი მერაბსა და ო'მალის შორის გამარჯვებულს შეხვდება