მერაბ დვალიშვილი: "ისევ შონ ო'მალი ან პიოტრ იანი მინდა"

UFC-ის სუპერმსუბუქი წონის ქართველმა ჩემპიონმა, მერაბ დვალიშვილმა Combat Cross Southern-თან ინტერვიუში საკუთარ სამომავლო გეგმებზე ისაუბრა. მერაბმა აღნიშნა, რომ შემდეგ ბრძოლას აპრილში ან ივნისში ჩაატარებს და ოპონენტად იმ მებრძოლებს განიხილავს, რომლებიც უკვე დამარცხებული ჰყავს.

შეგახსენებთ, რომ მერაბ დვალიშვილს ორივე მებრძოლთან აქვს ანგარიში გასწორებული. ქართველმა ო'მალის ჩემპიონის ქამარი წინა წლის სექტემბერში წაართვა, პიოტრ იანი კი 2023 წლის მარტში დიდი უპირატესობით დაამარცხა.