ხაბიბი: "უმარმა აჩევენა, რომ მსოფლიოში ერთ-ერთი საუკეთესოა"
15 საათის წინ
სხვა
1 წთ
UFC 311-ზე უმარ ნურმაგომედოვი მერაბ დვალიშვილს დაუპირისპირდა, სადაც დამარცხდა და ჩემპიონი ვერ გახდა. აღსანიშნავია, რომ "ახალგაზრდა არწივის" კუთხეში ხაბიბიც იყო, რომელიც იმ საღამოს მწვრთნელის ამპლუაში რამდენჯერმე მოგვევლინა. უმარის გარდა, ხაბიბის გუნდიდან ტაგირ ულანბეკოვი და ისლამ მახაჩევი იბრძოდნენ, რომლებმაც რეკორდში მორიგი გამარჯვებები ჩაიწერეს.
ხაბიბ ნურმაგომედოვი თავიდანვე აცხადებდა, რომ ეს საღამო მისთვის ძალიან მძიმე იქნებოდა და ასეც გამოდგა.
როგორც ველოდი მძიმე ღამე გამოვიდა. ისლამმა კიდევ ერთხელ დაამტკიცა, რომ ამ ეტაპზე მსოფლიოში საუკეთესოა. მის გამო ძალიან ბედნიერი ვარ. ის გზა რომელიც მან MMA-ში გაიარა, ამ სპორტის ახალი ისტორიაა. ძალიან ცოტა მებრძოლმა თუ შეძლო იმის მიღწევა, რაც ისლამმა მოახერხა.
უმარ, თავი მაღლა ასწიე ახალგაზრდავ. გუშინ აჩვენე, რომ მსოფლიოში ერთ-ერთი საუკეთესო ხარ. ახლა გარკვეულ საკითხებზე მუშაობა უნდა გავგრძელოთ. შეცდომებს გამოვასწორებთ და სატიტულო რბოლაში კვლავ ჩავებმებით. - განაცხადა ხაბიბ ნურმაგომედოვმა
უმარ ნურმაგომედოვი დვალიშვილთან ბრძოლამდე დაუმარცხებელი იყო და მისი ნულის წაღება სწორედ მერაბმა შეძლო. აქვე იმასაც გეტყვით, რომ UFC-ში უმარს გდება არასდროს გაუშვია, მერაბმა კი 7 თეიქდაუნი შეუსრულა და GSP-ის რეკორდიც დაამხო.
სხვა სტატიები
