ჯეიკ პოლისა და ნეით დიასის ბრძოლა ოფიციალურად ჩაინიშნა
UFC-ის ყოფილ მებრძოლს ნეით დიასსა და იუთუბერს, ახლა უკვე მოკრივეს, ჯეიკ პოლს შორის ბრძოლა ოფიციალურად ჩაინიშნა. მათი დაპირისპირება 5 აგვისტოს დალასში გაიმართება.
AUG 5th | #PaulDiaz
— Nathan Diaz (@NateDiaz209) April 12, 2023
Dallas, TX@RealFightINC @DAZNBoxing pic.twitter.com/Lv7aJXpDj2
ნეით დიასი გამოცდილი მებრძოლი, რომელსაც შთამბეჭდავი რეკორდი აქვს MMA-ში. UFC-ში ასპარეზობის დროს არაერთ კარგ მებრძოლს დაპირისპირებია, მათ შორის კონორ მაკგრეგორსაც, რომლის დამარცხებაც 2016 წელს შეძლო.
ჯეიკ პოლს კრივში უკვე 6 პროფესიონალური ბრძოლა აქვს ჩატარებული და აქედან 5-ჯერ გამარჯვებულმა დატოვა რინგი. ჯეიკი აქამდეც შეხვედრია UFC-ის მებრძოლებს და ისეთი მებრძოლები ჰყავს დამარცხებული, როგორებიც არიან ბენ ასკრენი, ტაირონ ვუდლი და ანდერსონ სილვა. ამერიკელ იუთუბერს ბოლო ბრძოლა ტომი ფიურისთან აქვს ჩატარებული, რომელშიც დამარცხდა.