ისტორიული შედეგი - მარია ალავიძემ მხატვრული ცურვის მსოფლიო თასზე ვერცხლი მოიპოვა

18 წლის მარია ალავიძე ისტორიაში პირველი სპორტსმენია, რომელმაც საქართველოს მხატვრული ცურვის მსოფლიო თასიდან მედალი მოუტანა.

კანადაში გამართულ ტურნირზე ქართველმა მოცურავემ თავისუფალი პროგრამა წარადგინა - 200,7612 ქულა დააგროვა და ვერცხლის მედალი მოიპოვა. სპორტსმენი ამ წარმატებას ნაბიჯ-ნაბიჯ უახლოვდებოდა, მაგალითისთვის: 2024 წელს კატარის დედაქალაქ დოჰაში ჩატარებულ მსოფლიოს ჩემპიონატზე, სენიორთა შორის, მარიამ ტექნიკური სოლო პროგრამა შეასრულა და 50 სპორტსმენს შორის მე-8 ადგილი დაიკავა.