ფინალის MVP - ცხოვრებაძე ხორვატიის თასის გამარჯვებულია
6 საათის წინ
სხვა
1 წთ
საქართველოს ხელბურთელთა ნაკრებისა და ზაგრების ლიდერი, გიორგი ცხოვრებაძე ხორვატიის თასის გამარჯვებული გახდა. ფინალურ მატჩში ზაგრები ისტრას დაუპირისპირდა და მარტივად, 32:21 გაიმარჯვა. ზაგრები ხორვატიის თასის გამარჯვებული 32-ედ გახდა, გიორგი ცხოვრებაძე კი ფინალური მატჩის საუკეთესო მოთამაშედ დასახელდა.
გიორგი ცხოვრებაძემ მეტოქის კარში 9 გოლის გატანა შეძლო, რაც ზაგრებისა და ისტრას რიგებში საუკეთესო მაჩვენებელია. გიორგი ცხოვრებაძესა და ზაგრებს მორიგი მნიშვნელოვანი დაპირისპირება 29 მაისს ელით, სადაც ხორვატიის ჩემპიონატის დასკვნით შეხვედრაში სესვეტეს დაუპირისპირდებიან.
