ევროპის 12-გზისა და 5-გზის მსოფლიოს ჩემპიონი გამოირიცხა - რიზა კაია დაისაჯა

ბერძნულ-რომაულ ჭიდაობაში დიდი სენსაცია მოხდა - 12-გზის ევროპის ჩემპიონი (14-გზის მედალოსანი), 5-გზის მსოფლიო ჩემპიონი (10-გზის მედალოსანი) და 3-გზის ოლიმპიური პრიზიორი, თურქი - რიზა კაია პარიზის 2024-წლის ოლიმპიურ თამაშებს დისკვალიფიკაციის გამო გამოტოვებს.

თურქი მძიმეწონოსანი ევროპის 12-გზის და მსოფლიოს 5-გზის ჩემპიონი, ოლიმპიური თამაშების ვიცე-ჩემპიონი და 2-გზის ბრინჯაოს მედალოსანი რიზა კაია აკრძალული პრეპარატების გამოყენებისთვის დისკვალიფიცირებულია და პარიზში, ოლიმპიურ თამაშებზე ვერ იასპარეზებს, მის მაგივრად კი ჰამზა ბაკირი მიიღებს მონაწილეობას.

კაია ლეგენდარული კუბელის ლოპეზ ნუნიესის ერთ-ერთი ყველაზე ძლიერი და პრინციპული მოწინააღმდეგე იყო და თურქს იგი მსოფლიოს ჩემპიონატის ფინალშიც კი ჰყავს დამარცხებული, ამჯერად ლოპესის მთავარი მეტოქე, მსოფლიოს მოქმედი ჩემპიონი, ირანელი - ამირ მირზაზადე იქნება, რომელმაც სწორედ კაიას მოუგო მსოფლიო ჩემპიონატის ფინალში.

თურქეთის ჭიდაობის ფედერაციამ მალევე გააკეთა განცხადება, სადაც განმარტებულია მომხდარი ფაქტი.

შეგახსენებთ, რომ 27 ივლისი - 3 აგვისტოს პერიოდში, პარიზის ოლიმპიური თამაშები გაიმართება.