"ეს ბიჭი პრობლემაა" - გილბერტ ბარნსი ილია თოფურიაზე
მოახლოვდა ილია თოფურიას კარიერაში ერთ-ერთი მნიშვნელოვანი ბრძოლა, სადაც "მატადორი" ჯოშ ემეტს დაუპირისპირდება. თოფურიასა და ემეტის დაპირისპირება ჯექსონვილში გაიმართება და საღამოს მთავარი ბრძოლაც იქნება. აღსანიშნავია, რომ 38 წლის ამერიკელმა ბოლოს საჩემპიონო ქამრისთვის იჩხუბა, სადაც იაირ როდრიგესთან დიდი უპირატესობით დამარცხდა.
გულშემატკივრების დიდი ნაწილი ამ დაპირისპირებაში ილიას ფავორიტად მიიჩნევს. UFC-ის მთავარმა გვერდმა გამოაქვეყნა ილიას გამარჯვების ვიდეო წარწერით: "მას ისე შეუძლია ბრძოლის დასრულება, როგორც თავად სურს."
This man can finish a fight in any way he needs to 🤯
— UFC (@ufc) June 18, 2023
Catch @Topuriailia this Saturday in the MAIN EVENT 🚨#UFCJacksonville | June 24th | Live on @ABCNetwork pic.twitter.com/7qhybHuSBv
მოახლოებულ ბრძოლას გამოეხმაურა UFC-ის გამორჩეული სპორტსმენი ბრაზილიელი გილბერტ ბარნსი, რომელიც ილიას ჩხუბს მოუთმენლად ელის.
"ეს ბიჭი პრობლემაა. ერთი სული მაქვს როდის ვნახავ ამ უქმეებზე ილიას ბრძოლას!" - წერს გილბერტ ბარნსი საკუთარ სოციალურ ქსელში.
This guy is a problem! Excited to watch @Topuriailia fighting this weekend! 🔥 https://t.co/EpbSXpOe80
— GILBERT BURNS DURINHO (@GilbertDurinho) June 19, 2023
ილიამ ბოლო ბრძოლა ბრაის მიტჩელის წინააღმდეგ გამართა და მოწინააღმდეგე მეორე რაუნდში დაამარცხა.
ამჟამად, თოფურია UFC-ის რეიტინგში მე-9 ადგილზეა, ჯოშ ემეტი კი, მე-5 პოზიციას იკავებს.