"ერთადერთი, ვისთანაც იანმა ერთსულოვანი გადაწყვეტილებით წააგო მე ვიყავი" - დვალიშვილი

მერაბ დვალიშვილი კვირა დღესაც არ ისვენებს. ქართველი "მანქანა" პარკში სავარჯიშოდ იყო, სადაც MMA Junkie-ს ჟურნალისტს შეხვდა და პატარა ინტერვიუც შემოგვთავაზეს. მერაბმა იანთან ჩხუბზე და ზედა წონაში ასვლაზე ისაუბრა.

შეგახსენებთ, რომ მერაბ დვალიშვილის მომავალი ჩხუბი პიოტრ იანის წინააღმდეგ იქნება. ჩხუბი დეკემბერს შედგება, რომელიც მერაბისთვის წელს მე-4 იქნება. გამარჯვების შემთხვევაში დვალიშვილი უნიკალურ მიღწევას დააფიქსირებს. ის გახდება პირველი მებრძოლი, რომელიც ჩემპიონის ტიტულს ერთ წელიწადში 4-ჯერ დაიცავს.