"ემელიანენკო ჩემთვის საუკეთესო მებრძოლი არასდროს ყოფილა" - დანა უაითი
ფიოდორ ემელიანენკომ, ბევრის აზრით, MMA-ს ისტორიაში საუკეთესო მებრძოლმა, გუშინ კარიერა დაასრულა. რუს მებრძოლს სულ 48 ბრძოლა აქვს ჩატარებული და აქედან 40 შემთხვევაში ოქტაგონი გამარჯვებულმა დატოვა.
მისი უკანასკნელი გამოსვლა ოქტაგონზე წარუმატებელი აღმოჩნდა. ემელიანენკომ რაიან ბადერთან ბრძოლა 35 წამში დათმო და MMA-დან მარცხით წავიდა.
მის პენსიაზე გასვლას გამოეხმაურა UFC-ის პრეზიდენტი დანა უაითი, რომელმაც აღნიშნა, რომ მისთვის რუსი საუკეთესო არასდროს ყოფილა:
"ის 46 წლის არის და დიახ, აღარ უნდა იბრძოდეს. ვფიქრობ, კარიერა აქამდე უნდა დაესრულებინა."
Dana White reacts to Fedor Emelianenko's retirement 👀 #bellator #mma #danawhite #FedorEmelianenko pic.twitter.com/UoZLMG2jaj
— Best MMA Moments (@XcellentMMA) February 5, 2023
დანამ ისიც აღნიშნა, რომ ფიოდორი საუკეთესო ვერასდროს გახდებოდა, რადგან UFC-ში საკუთარი ძალები არასდროს გამოუცდია.
"ხალხს ის ძალიან მოსწონდა და აღმერთებდნენ კიდეც. მას საკუთარი ძალები აქ (UFC-ში) არასდოს მოუსინჯავს. ის ჩემთვის საუკეთესო არასდროს ყოფილა." - განაცხადა დანა უაითმა.
Dana White thinks Fedor Emelianenko's career was incomplete without fighting for UFC.
— MMA Junkie (@MMAJunkie) February 6, 2023
Full story: https://t.co/x8HBnfEUCr pic.twitter.com/6MlS2M0Pkv
აღსანიშნავია, რომ Bellator-ში ემელიანენკოს UFC-ის მძიმეწონის ორი ჩემპიონი, ფრანკ მირი და კვენტინ ჯექსონი ჰყავს დამარცხებული. საინტერესოა ისიც, რომ რუსმა ორივე მოწინააღმდეგე პირველივე რაუნდში ნოკაუტით დაამარცხა.