ალექსანდრე თოფურიას მოწინააღმდეგე მოუძებნეს

UFC 312-ზე კოდი ჰადონი ვეღარ იბრძოლებს, ამიტომ საჭირო გახდა, ალექსანდრე თოფურიასათვის ახალი მოწინააღმდეგე მოენახათ. ჯერ ოფიციალურად შეთანხმებული არაფერია, თუმცა დიდი ალბათობით, ჰადონს დაუმარცხებელი კოლბი თიქნესი (7-0) ჩაანაცვლებს. თიქნესი ალექსანდრ ვოლკანოვსკის გუნდის წევრი და მისი ერთ-ერთი სპარინგ პარტნიორია.

დღეს ცნობილი გახდა, რომ კოდი ჰადონს ტრავმა აქვს და ის ალექსანდრესთან ბრძოლას ჩაეხსნა. ქართველის დებიუტი UFC-ში 8 თებერვალს, სიდნეიში შედგება. ივენთის მთავარ ბრძოლად შონ სტრიკლენდისა და დრიკუს დუ პლესის დაპირისპირებაა გამოტანილი.