საქართველომ შვეიცარია რეკორდული სხვაობით დაამარცხა

საქართველოს მორაგბეთა ეროვნულმა ნაკრებმა რაგბი ევროპის ჩემპიონატი შესანიშნავად დაიწყო. ბორჯღალოსნებმა პირველი შეხვედრა საკუთარ კედლებში ჩაატარეს, კერძოდ კი ავჭალაში შვეიცარიას უმასპინძლეს. მატჩი ჩვენი ნაკრების გამარჯვებით დასრულდა, რომელიც სარეკორდო იყო - 110:0.

აქამდე საქართველოს მორაგბეთა ნაკრების რეკორდი ჩეხეთთან მოგება იყო, რომელიც 98:3 დასრულდა.

საქართველოს მორაგბეთა ეროვნული ნაკრები მომდევნო შეხვედრას ნიდერლანდების წინააღმდეგ გამართავს. მატჩი 8 თებერვალს, 15:00 საათზე კვლავ ავჭალის სტადიონზე გაიმართება.