რიჩარდ ქოქრილმა საქართველოს მორაგბეთა ეროვნული ნაკრები დატოვა

საქართველოს მორაგბეთა ეროვნული ნაკრებისა და შავი ლომის მთავარმა მწვრთნელმა, რიჩარდ ქოქრილმა თანამდებობა დატოვა. რაგბის კავშირის გადაწყვეტილებით, ინგლისელ სპეციალისტთან 2-წლიანი თანამშრომლობა ოფიციალურად დასრულდა.

54 წლის ინგლისელი სპეციალისტის მეთაურობით ბორჯღალოსნებმა რაგბი ევროპის ჩემპიონატი ორჯერ (2024, 2025) მოიგეს და იაპონიის დამარცხებაც შეძლეს.

მთლიანობაში ქოქრილის პერიოდში საქართველოს ნაკრებმა 22 მატჩი გამართა, საიდანაც 14 მოიგო.

ამ დროისთვის უცნობია, თუ ვინ შეცვლის რიჩარდ ქოქრილს, თუმცა ფრანგულ მედიაში აქტიურად განიხილება 2 კანდიდატურა - ბრივის მთავარი მწვრთნელი პიერ-ანრი ბრონკარი და პერპინიანის ყოფილი მწვრთნელი ფრენკ აზემა.