გიგა ჭიკაძის ბრძოლის თარიღი შეიცვალა

გიგა ჭიკაძე მომავალ ბრძოლას დევიდ ონამასთან ჩაატარებს. უგანდელ მებრძოლს კარიერაში 13 მოგება და 2 მარცხი აქვს. აღსანიშნავია, რომ ონამამ ორივე ჩხუბი UFC-ში წააგო.

თავდაპირველად, ჭიკაძისა და ონამას ჩხუბი 6 აპრილს ლას ვეგასში, UFC Apex-ში უნდა გამართულიყო. თუმცა, გარკვეული მიზეზების გამო 27 აპრილს გადაინაცვლა. აღსანიშნავია, რომ ჩხუბი სავსე არენაზე, კანზასში გაიმართება.

გიგა ჭიკაძემ ბოლო ბრძოლა 28 ივლისს არნოლდ ალენის წინააღმდეგ ჩაატარა და მსაჯების გადაწყვეტილებით დამარცხდა. "ნინძას" კარიერაში 15 გამარჯვება და 4 მარცხი აქვს.