ვირტუს ბოლონიამ ოლიმპია მილანო დაამარცხა | თორნიკეს კარგი მატჩი ჰქონდა

იტალიის სერია A-ს მე-20 ტურის შეხვედრაში "ვირტუს ბოლონიამ" "ოლიმპია მილანო" 86:80 დაამარცხა.

თორნიკე შენგელიამ 19 წუთი ითამაშა, რა დროშიც 15 ქულა და 6 მოხსნა მიითვალა.

მატჩში ყველაზე მეტი 22 ქულა ნიკოლა მიროტიჩმა ჩააგდო, 19 ქულა ჰქონდა მარკო ბელინელის.

"ვირტუს ბოლონიას" სერია A-ს მიმდინარე ცხრილში 30 ქულა აქვს (15 მოგება, 5 მარცხი) და მეორე ადგილზეა, 30 ქულა აქვს ასევე პირველ ადგილზე მყოფ "ტრენტოს".

მომდევნო შეხვედრას ბოლონიური გუნდი 7 მარტს, 21:30 საათზე ევროლიგის ეგიდით ჩაატარებს, სადაც "ანადოლუ ეფესს" დაუპირისპირდება.