მამუკელაშვილი: ,,ყველანაირად ვეცდებით, რომ სლოვენიასთან ჩვენი მაქსიმუმი გავაკეთოთ''

საქართველოს ეროვნული ნაკრების ფორვარდმა, სანდრო მამუკელაშვილმა, კაბო ვერდესთან მოგებულ მატჩზე ისაუბრა:

,,ძალიან გაგვიხარდა, რომ პირველი თამაში მოვიგეთ. კარგი, პოზიტიური ენერგიით ვართ განწყობილნი.

 

წინ სლოვენიასთან დიდი მატჩი გველის. ყველანაირად ვეცდებით, რომ იგივენაირად მოვემზადოთ და ჩვენი მაქსიმუმი გავაკეთოთ,'' - განაცხადა მამუკელაშვილმა.

საქართველოს საკალათბურთო ნაკრებმა მსოფლიო ჩემპიონატის სადებიუტო შეხვედრა კაბო ვერდეს წინააღმდეგ გამართა და 25 ქულით, ანგარიშით 85-60 იმარჯვა.

მამუკელაშვილმა 26 წუთში 10 ქულა, 8 მოხსნა და 5 შედეგიანი გადაცემა მოაგროვა.

ჩვენი გუნდი მომავალ მატჩს ორშაბათს, 28 აგვისტოს, სლოვენიის წინააღმდეგ (15:30) გამართავს.