ბოსტონისა და პორტლენდის მატჩში ისტორიული ფაქტი დაფიქსირდა

NBA-ის რეგულარული სეზონის შეხვედრაში ,,ბოსტონ სელტიქსმა'' ,,პორტლენდ ტრეილ ბლეიზერს'' უმასპინძლა და 10-ქულიანი სხვაობით, ანგარიშით 128:118 დაამარცხა.

,,სელტიქსის'' უკანახაზელებმა, პეიტონ პრიტჩარდმა და დერიკ უაითმა საოცარი მატჩი ჩაატარეს - ორივე კალათბურთელმა 9+ სამქულიანის ჩაგდება შეძლო (პრიტჩარდი - 10, უაითი - 9), რაც NBA-ის ისტორიაში თანაგუნდელების მიერ დაფიქსირებული ყველა დროის საუკეთესო შედეგია.

გარდა ამისა, ეს იყო პირველი შემთხვევა ,,ბოსტონის'' ისტორიაში, როცა ,,სელტიქსის'' ორმა მოთამაშემ 40+ ქულა მოაგროვა (პრიტჩარდი - 43, უაითი - 41).

,,ბოსტონი'' 44 მოგებითა და 18 მარცხით აღმოსავლეთ კონფერენციის მე-2 პოზიციაზეა. ,,სელტიქსი'' მომავალ შეხვედრას ხვალ, ,,ფილადელფია სიქსერსის'' წინააღმდეგ გამართავს.