ვალენსიამ პრეზიდენტი შეცვალა

წელს "ვალენსია" გადარჩენისთვის იბრძვის. გუნდი ლა ლიგის გასავარდნ ზონაშია და ახლა პრეზიდენტიც შეეცვალა. 2022 წლიდან, ამ თანამდებობას ლაიჰუნ ჩანი იკავებდა, თუმცა კლუბის მფლობელმა, პიტერ ლიმმა გადაწყვიტა, პრეზიდენტის თანამდებობაზე საკუთარი ვაჟი, კიატ ლიმი დააწინაუროს, რომელიც აქამდე დირექტორთა საბჭოს წევრი იყო.

ესპანეთის ჩემპიონატის 26 ტურის შემდეგ, ვალენსიელებს მხოლოდ 24 ქულა აქვთ და მე-18 პოზიციას იკავებენ, მომდევნო შეხვედრას კი საკუთარ კედლებში, "ვალიადოლიდის" წინააღმდეგ ჩაატარებენ. ვალიადოლიდი ჩემპიონატის ბოლოადგილოსანი და გავარდნის მთავარი კანდიდატია.