უოტფორდი ნორვიჩთან დამარცხდა | გიორგი ჩაკვეტაძემ შეუცვლელად ითამაშა

ინგლისის ჩემპიონშიპის 30-ე ტურის შეხვედრაში "უოტფორდი" "ნორვიჩთან" 0:1 დამარცხდა.

გიორგი ჩაკვეტაძემ მატჩი შეუცვლელად ჩაატარა, Sofascore-მა ქართველ ფეხბურთელს 6.8 შეფასება დაუწერა, ჩაკვე ბურთს 57-ჯერ შეეხო, 34 გადაცემიდან 30 ზუსტად გააკეთა (88%), ერთხელ კარისკენ დაარტყა, ერთხელ დარტყმული კი დაუბლოკეს, 11 ორთაბრძოლაში მიიღო მონაწილეობა და 4-ში გაიმარჯვა.

"უოტფორდი" ჩემპიონშიპის ცხრილში 41 ქულით მე-10 ადგილზეა (12 მოგება, 5 ფრე, 13 მარცხი). მომდევნო შეხვედრას ქართველი ფეხბურთელის გუნდი 8 თებერვალს, 16:30 საათზე "სანდერლენდის" წინააღმდეგ გამართავს.

გიორგი ჩაკვეტაძეს მიმდინარე სეზონში 2 გოლი და 5 საგოლე გადაცემა აქვს.