ქვილითაიამ ისევ გაიტანა - მეცმა გადარჩენის თეორიული შანსი დაიტოვა

საფრანგეთის 31-ე ტურის შეხვედრა დრამატული აღმოჩნდა ქართველების მეცისთვის. ლე ავრისა და მეცის მატჩი 4:4 დასრულდა და ჩემპიონატის ბოლოადგილოსანს მხოლოდ თეორიული შანსი დარჩა, რომ დარჩენილ 3 ტურში, პლეი ოფის ზონაში მყოფ ოსერს დაეწიოს (ოსერი მე-16 ადგილზეა და 9 ქულით წინ არის მეცზე). ქულების გათანაბრების შემთხვევაში, ყველაფერს გატანილი და გაშვებული ბურთების სხვაობა გადაწყვეტს, (ოსერი: -15/მეცი: -39).

ძირითად შემადგენლობაში დაიწყეს წიტაიშვილმა და ქვილითაიამ. აღსანიშვია ის, რომ 32 წლის ქართველმა თავდამსხმელმა, TOP5 ლიგაში თავისი პირველი და მეორე გოლები ზედიზედ 2 მატჩში გაიტანა. წინა ტურში იყო პარიზი, ახლა კი - ლე ავრი. 83-ე წუთზე ქვილითაიამ მოედანი დატოვა, მინდორზე კი გიორგი აბუაშვილი შემოვიდა.

ქვილითაიამ ყვითელი ბარათიც მიიღო და 6.9 ქულა დაიმსახურა, ხოლო გიორგი წიტაიშვილს ერთ-ერთი ყველაზე სუსტი თამაში ჰქონდა (5.9 ქულა).