"პასუხისმგებლობას ვიღებ" - კამავინგა გულშემატკივარს ბოდიშს უხდის

მადრიდის რეალის ცენტრალური ნახევარმცველი, ედუარდო კამავინგა, უეფას ჩემპიონთა ლიგის მეოთხედფინალის საპასუხო მატჩში მიუნხენის ბაიერნთან მოედნიდან გაძევების შემდეგ გულშემატკივარს მიმართავს და ბოდიშს უხდის.

23 წლის ფეხბურთელი მატჩში მეორე ტაიმში ჩაერთო, ორი ყვითელი ბარათი მიიღო და მოედანი 86-ე წუთზე დატოვა, რის შემდეგაც მიუნხენელებმა 2 გოლის გატანა მოახერხეს და ორმატჩიან დუელში გამარჯვებას (6:4) მიაღწიეს. ნახევარფინალში ბავარიელები ხვიჩა კვარაცხელიას პსჟ-ს შეხვდებიან.