მოქმედი ჩემპიონების რისხვა! რეალმა საკუთარი რეკორდი გააუმჯობესა

ჩემპიონთა ლიგის მეოთხედფინალური ეტაპის საპასუხო მატჩში ,,რეალმა'' ,,მანჩესტერ სიტი'' პენალტების სერიაში დაამარცხა და მომდევნო ეტაპზე გავიდა.

1992 წლის შემდეგ, ,,სამეფო კლუბმა'' ლიგის მოქმედი ჩემპიონი პლეი-ოფში მეექვსედ დაამარცხა, რითაც საკუთარი რეკორდი გააუმჯობესა (ამ მხრივ მეორე საუკეთესო შედეგი სამი მოგებაა).

რეალი ჩემპიონთა ლიგის პლეი-ოფში მოქმედ ჩემპიონს სულ მეექვსედ შეხვდა, წინა ხუთ შემთხვევაში კი ტურნირის გამარჯვებულიც გახდა:

• 1997-1998 წლების სეზონში რეალმა ნახევარფინალში მოქმედი ჩემპიონი - დორტმუნდის ბორუსია დაამარცხა, ფინალში კი იუვენტუსი.

• 1999-2000 წლების სეზონში მადრიდელები მოქმედ ჩემპიონ მანჩესტერ იუნაიტედს მერვედფინალში დაუპირისპირდნენ, ფინალში კი ვალენსიას მოუგეს.

• 2001-2002 და 2013-2014 წლების სეზონებში სამეფო კლუბის მეტოქე პლეი-ოფში მიუნხენის ბაიერნი იყო, ფინალებში კი რეალმა ჯერ ლევერკუზენთან იმარჯვა, შემდეგ კი - ატლეტიკოსთან.

• ბოლოს მსგავსი რამ 2021-2022 წლების სეზონში მოხდა, როცა რეალმა მეოთხედფინალიდან მოქმედი ჩემპიონი ჩელსი გააგდო, ფინალში კი ლივერპული დაამარცხა.

ნახევარფინალში ანჩელოტის გუნდის მეტოქე მიუნხენის ,,ბაიერნი'' იქნება, რომელმაც მეოთხედფინალში ,,არსენალს'' მოუგო.