გვარდიოლა რეალთან მატჩებზე: "ეს უკვე დერბია"

ჩემპიონთა ლიგის პლეი ინში 8 დაპირისპირებას ვიხილავთ, თუმცა მათგან გამორჩეული, უდავოდ, "მანჩესტერ სიტისა" და "რეალის" თამაშებია. ეს ორი გუნდი, უკვე მეოთხე წელია ხვდებიან ერთმანეთს ყველაზე პრესტიჟულ საკლუბო ტურნირზე. პეპ გვარდიოლამ მომავალი შეხვედრების შესახებ საინტერესო რამ თქვა.

ბოლო 4 წელიწადში, მანჩესტერ სიტიმ და რეალმა 3-ჯერ მოიგეს ჩემპიონთა ლიგა. ამჯერად სიტი ცუდ ფორმაშია და ფავორიტად მადრიდის რეალი ითვლება, თუმცა მაშინაც კი, როცა ქალაქელების გამარჯვებას ვარაუდობდნენ, რეალი მაინც ქმნიდა უპირატესობას. წინა 3 დაპირისპირებიდან, მადრიდელებმა ორჯერ შეძლეს მანჩესტერ სიტის ჩემპიონთა ლიგიდან გაგდება.