გადაწყვეტილება მიღებულია - მანჩესტერ სიტიში გვარდიოლას ეპოქა სრულდება

პრემიერ ლიგის დასრულებამდე ორი ტურით ადრე, „მანჩესტერ სიტისა“ და „ბორნმუთის“ დაპირისპირება ფრედ, ანგარიშით 1-1 დასრულდა, რამაც „ლონდონის არსენალთან“ მდევრის როლში მყოფი მანჩესტერელებისთვის, ჩემპიონობის შანსები საბოლოოდ გააქრო. ამის შემდეგ, ბევრი იწერება გვარდიოლაზე, რომელიც სეზონის ბოლოს, დიდი ალბათობით „მანჩესტერ სიტის“ მთავარი მწვრთნელის პოსტს დატოვებს, მაგრამ თავად პეპი, ამ ინფორმაციას ოფიციალურად ჯერ-ჯერობით არ ადასტურებს.

მიუხედავად გვარდიოლას პოზიციისა, ზოგიერთი გამოცემის, მათ შორის  ESPN-ის ინფორმაციით, „სიტის“ ხელმძღვანელობა შეგუებულია იმ აზრს, რომ გვარდიოლა სეზონის ბოლოს წავა. ხოლო მის შემცვლელად, „ლონდონის ჩელსის“ ყოფილი მწვრთნელი, ენცო მარესკა სახელდება.

ესპანელ სპეციალისტს „მანჩესტერ სიტისთან“ ათწლიანი ურთიერთობა აკავშირებს. ამ დროის განმავლობაში, პეპის ხელში, „სიტიმ“ სხვადასხვა ტურნირზე ჯამში 20 ტიტული მოიგო. მათ შორის, ნანატრი ჩემპიონთა ლიგა.