ფეხბურთელები, რომლებსაც ბოლო 5 წლის განმავლობაში ყველაზე მეტი წუთი აქვთ ნათამაშები

ფეხბურთის კვლევითმა ცენტრმა, CIES Football Observatory-მ, ის ფეხბურთელები დაასახელა, რომლებსაც ბოლო 5 სეზონის განმავლობაში ოფიციალურ მატჩებში ყველაზე მეტი წუთი აქვთ ნათამაშები. ხაზგასასმელია, რომ სტატისტიკა მხოლოდ მინდვრის მოთამაშეებს ეხებათ.

რეიტინგის სათავეში პარაგვაის ეროვნული ნაკრებისა და პალმეირასის ცენტრალური მცველი, გუსტავო გომესია, რომელსაც ბოლო 5 სეზონში მოედანზე 28 194 წუთი აქვს გატარებული. მეორე ადგილზე იუნაიტედისა და პორტუგალიის ნაკრების ნახევარმცველი, ბრუნო ფერნანდეშია (27 634 წუთი), მესამეზე კი - ბენფიკასა და არგენტინის ნაკრების მცველი - ნიკოლას ოტამენდი (26 791 წუთი).

CIES - ფეხბურთელები, რომლებმაც ბოლო 5 წლის განმავლობაში ყველაზე მეტი წუთი ითამაშეს:

1. გუსტავო გომესი - პალმეირასი და პარაგვაის ნაკრები, 28 194 წუთი;

2. ბრუნო ფერნანდეში - მანჩესტერ იუნაიტედი და პორტუგალიის ნაკრები, 27 634 წუთი;

3. ნიკოლას ოტამენდი - ბენფიკა და არგენტინის ნაკრები, 26 791 წუთი;

4. ჰარი კეინი - ტოტენჰემი, ბაიერნი და ინგლისის ნაკრები, 25 680 წუთი;

5. დეკლან რაისი - ვესტ ჰემი, არსენალი და ინგლისის ნაკრები, 25 351 წუთი;

6. კილიან მბაპე - პსჟ, რეალი და საფრანგეთის ნაკრები, 25 199 წუთი;

7. ხუნიორ ალონსო - კრასნოდარი, ატლეტიკო მინეირო, პარაგვაის ნაკრები, 25 039 წუთი;

8. ჰანს ვანაკენი - ბრიუგე და ბელგიის ნაკრები, 24 965 წუთი;

9. იოზუა კიმიხი - ბაიერნი და გერმანიის ნაკრები, 24 575 წუთი;

10. მარლონ ფრეიტასი - ატლეტიკო გოიანიენსე და ბოტაფოგო, 24 558 წუთი