ბრესტის მთავარი მწვრთნელი ერიკ რუა გარდაიცვალა

ფრანგულ საფეხბურთო სამყაროს უდიდესი ტკივილი დაატყდა თავს. კლუბ ბრესტის ოფიციალურმა გვერდმა ოთხშაბათს საღამოს სამწუხარო ინფორმაცია გაავრცელა. 58 წლის ასაკში გარდაიცვალა გუნდის მთავარი მწვრთნელი, წარსულში ცნობილი ფეხბურთელი, ერიკ რუა.

მისი გარდაცვალების მიზეზი პანკრეასის კიბო გახდა, რომელსაც სპეციალისტი სამწელიწახევრის განმავლობაში ებრძოდა. ეს ტრაგედია ლიგა 1-ის სეზონის დასრულებიდან სულ რაღაც ერთ თვეში მოხდა, სადაც ბრესტმა მისი ხელმძღვანელობით მე-11 ადგილი დაიკავა.

ერიკ რუას შესანიშნავი საფეხბურთო კარიერა ჰქონდა. ის წლების განმავლობაში ფრანგული გრანდების - ნიცას, ლიონისა და მარსელის ღირსებას იცავდა, ხოლო 1999-2000 წლების სეზონში სანდერლენდშიც თამაშობდა.

საფეხბურთო კარიერის დასრულების შემდეგ მან ძალები სპორტული დირექტორის ამპლუაშიც მოსინჯა (მათ შორის უოტფორდში), თუმცა მისი ცხოვრების მთავარი წარმატება ბრესტის სათავეში ჩადგომა აღმოჩნდა.

• გუნდი 2023 წლის იანვარში ჩაიბარა და პირველივე სეზონში ლიგა 1-ში ადგილი შეუნარჩუნა.

• ჩემპიონთა ლიგის საგზური - 2023-24 წლების სეზონში რუამ ნამდვილი სასწაული მოახდინა. ბრესტი ჩემპიონატში მე-3 ადგილზე გაიყვანა და ისტორიაში პირველად ჩემპიონთა ლიგის საგზური მოუპოვა.

• საერთო ჯამში, მან ბრესტის მთავარი მწვრთნელის პოსტზე 143 მატჩი ჩაატარა და 60 გამარჯვება მოიპოვა.

ბრესტმა სოციალურ ქსელში გულშემატკივრებისთვის უმძიმესი პოსტი გამოაქვეყნა, სადაც მწვრთნელის ოჯახს სამძიმარი გამოუცხადა.