ავსტრიის ჩემპიონატის საუკეთესო ფეხბურთელმა ისევ გაიტანა

ავსტრიის ჩემპიონატის 31-ე ტურში ჰარტბერგმა შტურმსს უმასპინძლა და 2:4 დამარცხდა. ჩემპიონატის დასრულებამდე მხოლოდ 1 ტური დარჩა და შტურმი ლიდერ ლასკს 2 ქულით ჩამორჩება.

ზედიზედ მესამედ, ავსტრიის ჩემპიონატის საუკეთესოდ დასახელებულმა ოთარ კიტეიშვილმა, გოლი ამ მატჩშიც გაიტანა. 25-ე წუთზე, ქართველმა თავური დარტყმით აიღო მასპინძელთა კარი (ანგარიში 1:3 გახდა). ოთარ კიტეიშვილი მოედანზე 85-ე წუთამდე დარჩა, იქამდე, სანამ მას გიზი მამაგეიშვილი შეცვლიდა.

ოთარს ჩემპიონატში 15 გოლი და 4 საგოლე გადაცემა დაუგროვდა - ის ერთპიროვნული ბომბარდირია.

ჩემპიონატის ბოლო ტურში შტურმი შინ რაპიდს მიიღებს, ლასკი კი სტუმრად აუსტრია ვენას ეთამაშება.