ზლატკო დალიჩი: "ესპანელებს დრო და სივრცე მივეცით, რაც ისჯება"

ევროპის ჩემპიონატის პირველი ტურის ცენტრალური შეხვედრა ესპანეთისა და ხორვატიის ნაკრებებს შორის გაიმართა. ფავორიტად ესპანელები მიიჩნეოდნენ, თუმცა შედეგმა მოლოდინს მაინც გადააჭარბა. შეიძლება ითქვას, რომ დე ლა ფუენტეს გუნდმა ხორვატიას ძალიან მარტივად მოუგო.

პირველივე ტაიმში ალვარო მორატას, ფაბიან რუისისა და კარვახალის გოლებით ფრთაშესხმულ ესპანეთს ზლატკო დალიჩის ნაკრებმა ვერაფერი მოუხერხა, მიუხედავად იმისა, რომ მეორე ტაიმში იყო მცირე გაბრძოლება. ანგარიში პირველი ტაიმის შემდეგ არ შეცვლილა და ევროპის 3-გზის ჩემპიონებმა 3:0 მოიგეს. შეხვედრის დასრულების შემდეგ დალიჩმა მატჩი შეაფასა.

პირველი ტურის შემდეგ ხორვატიის მდგომარეობა საკმაოდ რთულია. ესპანეთი და იტალია გამარჯვებების შემდეგ პირველ და მეორე ადგილებს ინაწილებენ. ალბანეთი კი მესამე ადგილზეა მხოლოდ იმის გამო, რომ იტალიასთან 1-ბურთიანი სხვაობით დამარცხდა. ბოლო ადგილზე მყოფი ხორვატია მომავალ ტურში ალბანეთს შეხვდება და აუცილებელი გამარჯვება უნდა დაგეგმოს.