ვალვერდემ ხელი დაარტყა ფეხბურთელს, რომელმაც ცოლის გართულებულ ორსულობაზე ბოროტად იხუმრა
,,რეალისა'' და ,,ვილიარეალის'' შეხვედრის შემდეგ, ფედერიკო ვალვერდემ მეტოქე გუნდის ფეხბურთელს, ალექს ბაენას ავტოსადგომზე სახეში ხელი დაარტყა. ინფორმაციას Marca ავრცელებს.
როგორც გამოცემა წერს, ფეხბურთელებს შორის დაპირისპირება ჯერ კიდევ იანვარში, ესპანეთის თასის მატჩში დაიწყო, როცა ბაენამ თამაშის დროს ვალვერდეს წინააღმდეგ იუხეშა და უთხრა: ,,იტირე ახლა, შენი შვილი რომ არ დაიბადება.'' ურუგვაელის გარემოცვის ცნობით, ,,ვილიარეალის'' შემტევმა მსგავსი რამ გუშინდელ მატჩშიც გაიმეორა.
წლის დასაწყისში ესპანურმა მედიამ გაავრცელა ინფორმაცია, რომ ვალვერდეს მეუღლე, მინა ბონინო მუცლის მოშლის საფრთხის ქვეშ იყო, თუმცა, საბოლოოდ, ყველაფერი კარგად დასრულდა.
,,ვილიარეალს'' გუშინდელი ინციდენტის ამსახველი კადრები აქვს და, შესაძლოა, ბაენამ ფიზიკური თავდასხმის შესახებ პოლიციას შეატყობინოს.
თავად ვალვერდემ თანაგუნდელებს უთხრა, რომ მისი საქციელით არ ამაყობს, თუმცა ეს საკუთარი ოჯახისთვის გააკეთა.
🚨👊 Valverde waited for Baena in the car park after the R.Madrid-Villarreal game and punched him in the face.
— EuroFoot (@eurofootcom) April 8, 2023
This was due to Baena saying to Valverde last match: "Cry now that your son is not going to be born." — another comment was repeated like this today, reports @marca. pic.twitter.com/3bE7vmvMhT
სხვა სტატიები
