უოტფორდმა კვლავ მოიგო - რა შეფასება დაიმსახურა გიორგი ჩაკვეტაძემ?!

ინგლისის ჩემპიონშიპის მესამე ტურის მატჩში, "უოტფორდისა" და "დერბის" დაპირისპირება შედგა. ლონდონში, "ვიკერეიჯზე" გამართული დრამატული მატჩი, მასპინძლების გამარჯვებით, 2:1 დასრულდა.

აღსანიშნავია, რომ "დერბი" სწრაფი გოლით დაწინაურდა - მე-2 წუთზე ებუ ადამსმა ანგარიში გახსნა, მაგრამ ბაიოსა და სისოკოს გოლებით "უოტფორდმა" მორიგი სამი ქულა მოიპოვა.

"უოტფორდის" მაისურით შეუცვლელად ითამაშა გიორგი ჩაკვეტაძემ, რომელმაც მართალია გოლით ან საგოლე გადაცემით თავი ვერ გამოიჩინა, მაგრამ მოედანზე ერთ-ერთი გამორჩეული იყო. გიორგი ჩაკვეტაძის კარგ თამაშს უყურადღებოდ არ ჩაუვლია. Flashscore-ის ვერსიით ჩაკვეტაძის შეფასება 7.2 იყო. ქართველ ფეხბურთელს ოდნავ უკეთესი შეფასება ჰქონდა Whoscored-ზე, სადაც მისი თამაში 7.35 ქულით შეფასდა. Sofascore-მ ჩაკვეტაძეს 6.8 ქულა დაუწერა.

ჩემპიონშიპის განვლილ 3 ტურში "უოტოფრდმა" სამი გამარჯვება მოიპოვა და სატურნირო ცხრილს 9 ქულით, "სანდერლენდთან" ერთად ლიდერობს.