უეფამ პსჟ - ნიუკასლის VAR-ის ვიდეო ასისტენტი დასაჯა

ჩემპიონთა ლიგის F ჯგუფში, მეხუთე ტურის ერთ-ერთი ცენტრალური მატჩი პარიზში გაიმართა, სადაც "პსჟ" "ნიუკასლს" დაუპირისპირდა და მატჩი 1:1 დასრულდა.

მატჩის ბოლო წუთზე ანგარიში კილიან მბაპემ თერთმეტმეტრიანი დარტყმიდან გაათანაბრა. სწორედ ამ თერთმეტმეტრიანის გამო, უეფამ პსჟ - ნიუკასლის VAR-ის ვიდეო ასისტენტი - ტომაშ კვიატკოვსკი დასაჯა, რომელსაც დღეს "სოსიედადი" "ზალცბურგის" მატჩზე უნდა ემუშავა, თუმცა უსახური გადაწყვეტილების (დანიშნული თერთმეტმეტრიანი) გამო, რომელიც მან გუშინ ღამე მიიღო, მოკვეთილი იქნა ჩემპიონთა ლიგის სხვა მატჩიდან.

სწორედ ამ დანიშნული თერთმეტმეტრიანის გამო, "ნიუკასლმა" უმნიშვნელოვანესი გამარჯვება ვერ მოიპოვა და ბოლო ტურის წინ, F ჯგუფში მდგომარეობა უკიდურესად დაიძაბა.

"დორტმუნდმა" ჩემპიონთა ლიგის პლეი-ოფის საგზური უკვე გაინაღდა, მეორე პოზიციას კი 7 ქულით "პსჟ" იკავებს. მესამე და მეოთხე ადგილებს 5-5 ქულით "ნიუკასლი" და "მილანი" იყოფენ.

ამ ჯგუფში ყველაფერი ბოლო ტურის მატჩებში გადაწყდება, სადაც "ნიუკასლი" - "მილანისა" და "დორტმუნდი" - "პსჟ"-ს დაპირისპირებები შედგება.