UEFA-მ მოურინიოს ბრალი წაუყენა
ევროპული ფეხბურთის მმართველმა ორგანომ პორტუგალიელ სპეციალისტს ბრალი წაუყენა. UEFA-ს სადისციპლინო კომიტეტი მოურინიოსთვის სასჯელის დაწესების შესახებ იმსჯელებს და გადაწყვეტილებას უახლოეს მომავალში გაასაჯაროვებს.
José Mourinho has been charged by UEFA for insulting and abusive language toward referee Anthony Taylor in the Europa League final pic.twitter.com/YpSmvLnsoP
— B/R Football (@brfootball) June 2, 2023
საქმისწარმოების დაწყების მიზეზი, UEFA-ს ევროპა ლიგის ფინალში მომხდარი ინციდენტი გახდა. განცდილი მარცხის შემდეგ, ჟოზე მოურინიომ ემოციების მოთოკვა ვერ შეძლო და შეხვედრის მთავარ არბიტრს სიტყვიერი შეურაცხყოფა მიაყენა. პორტუგალიელმა ენტონი ტეილორთან დაპირისპირება მოედანზე დაიწყო, რის შემდეგაც არბიტრთან “დალაპარაკება” პარკინგზე სცადა.
სოციალურ ქსელებში გავრცელდა კადრები, სადაც ნათლად ჩანს, რომ პორტუგალიელი სპეციალისტი ინგლისელი არბიტრის მისამართით უცენზურო გამონათქვამებს არ ერიდება.
მოურინიომ ტეილორს სამარცხვინო უწოდა და აღნიშნა, რომ არბიტრის მიერ დაშვებული შეცდომები მის გუნდს ჩემპიონის ტიტულის დაკარგვის ფასად დაუჯდა. პორტუგალიელის განსაკუთრებული აღშფოთება ერთ-ერთმა ეპიზოდმა გამოიწვია, სადაც მოურინიოს აზრით, ტეილორმა “რომას” სასარგებლოდ 100%-იანი პენალტი არ დანიშნა.
🚨🚨| Jose Mourinho was waiting in the car park for referee Anthony Taylor after the game.
— CentreGoals. (@centregoals) June 1, 2023
Mourinho says to Taylor " your a f***ing disgrace man"
pic.twitter.com/SUGQ1yalfP