U21 | ევროპის ჩემპიონატი საქართველოს ნაკრებმა მოგებით დაიწყო

ევროპის 21-წლამდელთა ჩემპიონატი საქართველოს ნაკრებმა პოლონეთთან მოგებით დაიწყო.

რამაზ სვანაძის გუნდმა დრამატულ შეხვედრაში 2:1 იმარჯვა. მატჩში ანგარიში 55-ე წუთზე ნოდარ ლომინაძემ გახსნა. 73-ე წუთზე იაკუბ კალუზინსკიმ პენალტი ზუსტად შეასრულა და წონასწორობა აღადგინა.

საქართველომ გამარჯვების გოლი 94-ე წუთზე გაიტანა - თავი ვასილიოს გორდეზიანმა გამოიჩინა, რომელმაც გიორგი მაისურაძის გადაცემით ისარგებლა.

ჩვენი ჯგუფის მეორე შეხვედრა პორტუგალიისა და საფრანგეთის ნაკრებებს შორის უგოლოდ, 0:0 დასრულდა. შესაბამისად, პირველი ტურის შემდეგ ჯგუფში 3 ქულით ვლიდერობთ.

საქართველოს 21-წლამდელთა ნაკრები მომავალ მატჩს შაბათს, 14 ივნისს, საფრანგეთის წინააღმდეგ გამართავს.