U 17 | ავსტრიის ნაკრები მსოფლიო ჩემპიონატის ფინალში გავიდა

კატარში მიმდინარე 17-წლამდელთა მსოფლიო ჩემპიონატის ნახევარფინალში ავსტრიის ნაკრებმა იტალია 2:0 დაამარცხა და ფინალში გავიდა, რაც ავსტრიული ფეხბურთის ისტორიაში პირველი შემთხვევაა.

მატჩში დუბლი იოჰანეს მოსერმა გაიფორმა, რომელიც ავსტრიის მე-2 ბუნდესლიგის გუნდში, ლიფერინგში ასპარეზობს.

ავსტიელებმა მთელი ტურნირი ბრწყინვალედ ჩაატარეს და 7-დან 7 შეხვედრის მოგება შეძლეს - მარტინ შერბის გუნდმა ჯგუფში საუდის არაბეთი, მალი და ახალი ზელანდია დაამარცხა, პლეი-ოფში კი, ტუნისს, ინგლისს, იაპონიასა და იტალიას აჯობა.

ავსტიის მეტოქე მე-2 ნახევარფინალურ დაპირისპირებაში ირკვევა, სადაც ერთმანეთს ბრაზილია და პორტუგალია ხვდებიან.

• 17-წლამდელთა მსოფლიო ჩემპიონატის მოქმედი გამარჯვებული გერმანიის ნაკრებია, რომელმაც 2023 წელს ფინალში საფრანგეთი დაამარცხა.

• ტურნირი ყველაზე მეტჯერ, 5-ჯერ, ნიგერიას აქვს მოგებული, ამ მხრივ მეორე ადგილს ბრაზილია იკავებს (4 ტიტული).