ცნობილია, სად ჩატარდება უეფას სუპერთასის მატჩი 2025 წელს

უეფას გადაწყვეტილებით, 2025 წლის სუპერთასის შეხვედრა 13 აგვისტოს, ,,უდინეზეს'' სტადიონზე, Stadio Friuli-ზე გაიმართება.

არენა, რომელიც 25 144 მაყურებელს იტევს, 1976 წელს აშენდა, ბოლოს კი 2016 წელს გარემონტდა.

უეფას სუპერთასის მოქმედი გამარჯვებული მადრიდის ,,რეალია'' - ,,სამეფო გუნდმა'' ვარშავაში გამართულ შეხვედრაში ,,ატალანტა'' 2:0 დაამარცხა.

,,რეალს'' სუპერთასი სულ 6-ჯერ აქვს მოგებული, რაც რეკორდია. ამ მხრივ მე-2 და მე-3 ადგილს 5-5 ტიტულით ,,ბარსელონა'' და ,,მილანი'' იყოფენ.